I kommunen vår finst det fleire å snakka med om bekymringar, tankar, kjensler og trivsel. Med andre ord skal du alltid finna nokon å snakke med om kva som helst, anten det gjeld deg sjølv, ein ven eller nokon i familien. Om du har god kontakt med ein lærar eller ein annan vaksen på skulen, kan han eller ho hjelpa deg direkte eller finna rett teneste til akkurat det du treng. Alle som arbeider med barn og unge i kommunen, har teieplikt og må ha samtykke frå deg for å involvera andre.

Les meir om dei ulike tenestene i vår kommune.

I kommunen tek me alle bekymringar som gjeld barn og unge, like alvorleg, om det er små eller store bekymringar. Om det er eit barn i familien din, venekretsen eller i nabolaget, er det godt å ha ein vaksen som ser situasjonen til barnet og bidreg til at barnet får den oppfølginga det skal ha. Du kan melda bekymringa di til alle i kommunen som arbeider med barn. Det kan vera lærar/rektor, nokon som er tilsett i offentleg eller privat barnehage, helsesjukepleiar, utekontakt eller ring til sentralbordet for ein kontaktperson. Les meir om Uro for barn og unge. I kommunen jobbar me saman med barnet og familien for å sikra at grunnlaget for bekymringa vert handtert gjennom BTI – Betre tverrfagleg innsats som sikrar oppfølging og løysing. Les meir om dei ulike tenestene i vår kommune.

Som tilsett er du pålagt å handla om du opplever ei bekymring knytt til eit barn. Det kan vera livssituasjon, familieliv, helse, trivsel på skule og likande som kan ha innverknad på barnet. Benytt deg av BTI-rettleiaren for å sikra riktig framgang i situasjonen etter modellen. Oversikt tenester